بعد التأسيس الأول مع الشيخ بشير الجميل منذ العام 1976، كانت "القوات اللبنانية" على موعد مع متابعة المسيرة بعد اغتياله في 14 أيلول 1982، قبل أن تواجه مرحلة تأسيسية ثانية مع الدكتور سمير جعجع بعد حرب الجبل وبعد انتفاضة 12 آذار 1985 وانتفاضة 15 كانون الثاني 19،86 وإسقاط "الاتفاق الثلاثي" الذي رعاه نظام حافظ الأسد في دمشق بين "القوات" وحركة "أمل" و"الحزب التقدمي الإشتراكي". نهضة كبيرة شهدتها "القوات" بين عامي 1986 و1988 بالتنظيم والسلاح والذخيرة والعلاقات السياسية والدبلوماسية والتقديمات الاجتماعية. هذه المرحلة التي عاشها ورافقها أسعد سعيد يروي وقائعها لـ"نداء السنين" في هذه الحلقة الخامسة. - كان هناك تحدّ كبير أمام "القوات" لكي تستمرّ بعد حرب الجبل في منطقة إقليم الخروب وشرق صيدا بعدما صارت الطرقات مقطوعة. كيف تعاطيتم مع هذه التطورات؟ هل أجريتم دراسات عملانية على الأرض لاتخاذ القرار المناسب؟ بعدما نزل الحكيم من دير القمر إلى المجلس الحربي تم طرح كل هذا الوضع. تم اقتراح أن نتوجّه أنا والحكيم إلى منطقة الجنوب لدراسة الوضع وتقدير إمكانية الصمود. نزلنا وبقينا يومين برمنا على الجبهة وحكينا مع الشباب. كان نازو لا يزال هناك في الحمصية (منطقة جزين). نعم. وعدنا باقتراح بأن إمكانية الصمود غير متوفّرة لأنّ الدعم يتمّ من البحر وهناك احتمال كبير بأن ينقطع بسبب الطقس وبأنّه لا يمكن أن نبقى في المنطقة وكنّا نريد أن نوفّر معركة. وهذا كان رأيي ورأي الحكيم. كان الحكي مع الشيخ أمين أن يطلع الجيش ويستلم ويفتح الطريق بشكل طبيعي وهذا ما لم يحصل. طلعنا ناس من بيروت ولكن كانت حصلت انتفاضة 12 آذار وكان هناك ضياع ضمن هذه المجموعات. الحكيم كان مستلمًا قيادة القوات المركزية ورئاسة الأركان. يمكنك أن تعتبر أنّني في 12 آذار كنت من الجماعة اللي صارت الانتفاضة عليهم. كنت مع فؤاد (أبو ناضر) مع أنّنا كنّا نحاول أن نتلافى ذلك لأنّ أهداف انتفاضة 12 آذار كانت مظبوطة ولازم تكون وكنت أتمنّى لو أنّ فؤاد مشى فيها. - كان أصبح فؤاد قائد "القوات اللبنانية" بعد فادي فرام. - هل لديك معطيات كيف حصل الإنتقال بين فادي فرام وفؤاد ابو ناضر؟ هل ترك فادي على زعل؟ ما فيك تقول إنو ترك عن رضا. صارت بطريقة حبّية. أكيد فادي ما كان راضي عن الشي اللي صار. بعتوا ورانا على البيت المركزي. كان إيلي كرامة وجورج سعادة وميشال كرامة، كان مسؤول مالي من قبل "الكتائب". نزلنا أنا وفؤاد على بيت "الكتائب" حتى نشوف شو الوضع. كانوا واضحين معنا. قالوا لنا بصراحة: نحن بدّنا نسترد القرار المالي لحزب "الكتائب" وما في داعي يكون عندكم أكثر من ألف شخص يبقوا متواجدين لحماية الممتلكات والمخازن والمراكز القواتية. - كان مطروحًا أن تعود القوى النظامية من "القوات" إلى "الكتائب" والمنتمين من غير الكتائب يعودون إلى أحزابهم؟ مش ترجع إلى "الكتائب". خلص إنتو هونيك. شغلتكم هيدي هيي. بتضلّوا "قوات لبنانية" بس ما بقا عندكم قوى عسكرية. تصوّر كل شي عندك أجهزة وأسلحة ومدرعات ومدفعية تبطّل موجودة. طبعًا. كيف بدّك ما يعودوا موجودين؟ هنا فؤاد لم يكن مقتنعًا بهذا الطرح وما كانت عاجبتو هذه الأفكار. عملنا اجتماع عندي في البيت في بيت مري وكان فؤاد وفادي وتوتو (بريدي) وعبّاس ونانو (نعمة الله قاعي) وبوسي (أشقر) والياس الزايك وكنّا كلّنا عم نحكي أنّو في شي مش راكب. ما فينا نقبل بهيدا الطرح من قيادة "الكتائب". هيدي ما بتمشي. فؤاد بدّك تشوف شو بدّك تعمل. ما بتظبط. بهالوقت كانوا بلّشوا يحسّوا أنّو حزب "الكتائب" مكمّل في طرحه. هنا قرّر سمير جعجع وإيلي حبيقة وفادي فرام وتوتو إنّو ما فينا نكمّل هيك. ما رح نقبل يصير هيك بـ"القوات اللبنانية". هنا فؤاد كان عندو قرار صعب. العسكر بيحبّوه وماشيين معه وهو ما بيقدر يمشي بما يطرحه حزب "الكتائب" وكأنّه ينهي هؤلاء الشباب. وهيدا اللي صار. حصلت تعبئة داخلية وحصلت انتفاضة 12 آذار. فؤاد أخد قرار ما بدّو يصير دمّ ومواجهة بين العسكر المقسوم ناس مع ناس ضد. وصارت انتفاضة 12 آذار من دون ضربة كفّ واستلم الشباب اللي عملوا العملية. عشية 12 آذار تركت المجلس الحربي وذهبت إلى مبنى "أل بي سي" القديمة في دار المعلمين في جونيه. قابلت الحكيم. قال لي: بعرف رأيك أنّو ما فينا نكمّل هيك بس منعرف إنّك كنت مع فؤاد. كنت نائبه وبدّك تساعدو ورفقة عمر أنت ويّاه. ما حبينا نحكيك حتى تنضمّ إلينا ولكن أنت تعرف محلّك محفوظ ساعة تريد وشو بتريد نحن موجودين ضمن هذه القيادة الجديدة. وهيك صار. بعد ذلك اتصل بي إيلي حبيقة واجتمعنا في بيته وكان فادي فرام والياس (الزايك) وعبّاس وبوسي وأنا ونانو وكان يريدنا أن نكمل معه. ما حدا قبل يكمّل مع إيلي. الحكيم كان في مرحلة نزاع بينه وبين إيلي في الهيئة التنفيذية حتى انحسمت واستلم الحكيم قيادة