بدكن تعرفوا ليش ميشال المر هاجم ميشال قنبور؟ القصة ما بلّشت يوم الهجوم… بلّشت من أكتر من 5 سنين. طوال هالفترة، المر كرّر عروضه ليشتري “ليبانون ديبايت” من ناشره ميشال قنبور. بيعرف قوّة الموقع وانتشاره، وكان بدّه يضمّه لمجموعته ويوسّع سيطرته على المشهد الإعلامي. ولمّا الشراء ما مشي، بلّش الهجوم والتشويه. مفكّر إنّه بالضغط، بياخد اللي ما قدر ياخده بالشراء. وبعدين، ميشال قنبور أطلق “Red TV” الإخباري. شاشة جديدة… وصوت ما إله سلطة عليه. هون، نقل المعركة لمجلس الوزراء، وضغط لحتى صدر قرار مفصّل على قياس إقفال “Red TV”. بس إجا قانون الإعلام، وفتح الطريق قدّام ترخيص المحطة. المر حاول يعرقل القانون… ولمّا القانون مرق، راح يضغط لتعديله! الهدف نفسه: “Red TV” ما تترخّص بلبنان، وميشال قنبور ما يكون عنده تلفزيون. من عرض شراء موقع… لمحاولة تغيير قانون. لهالدرجة مزعجه صوت ما بيقدر يملكه؟ الضغط اللي بيمشي مع سياسيين ومتموّلين، ما بيمشي معنا. ما قدر يشتري كلمتنا، وما رح يقدر يسكتها.