كتب وزير الاتصالات شارل الحاج على حسابه عبر "اكس": "للتوضيح بموضوع التشريج: المواطن عم يدفع، بس جزء من هالمدخول ما عم يوصل لا للشركات ولا للخزينة". وأضاف، "لاحظت فروقات بالإيرادات، وطلبت التدقيق، فتبيّن وجود شبكة عم تستعمل خدمة وُضعت أساساً لتسهيل حياة المواطنين بطريقة غير مخصّصة إلها، سبّب بتسرّب بالإيرادات". وتابع، "ما صدر أي قرار حتى الساعة من وزارة الإتّصالات وما في أي تاريخ محدّد لأي إجراء، وأي خطوة مستقبلية ما رح تطاول خدمة المشترك قبل تأمين بديل رسمي يحافظ على إمكانية الحصول على الخدمة بسعر مناسب، خصوصاً لأصحاب الدخل المحدود". وختم، "الأرصدة محفوظة، والتحويل بين المشتركين ما انلغى متل ما زعم البعض، المطلوب بسيط: نوقّف التسرّب، مش المواطن".